عکس نوشته شعر کوردی برای پروفایل 2019
عکس نوشته شعر کوردی برای پروفایل 2019 ، در این پست همراه ما باشید تا جدیدترین عکس نوشته های شعری کوردی رو با هم مشاهده کنیم. این پست تقدیم به کورد زبانان با غیرت در سراسر جهان هر جا هستن سالم و تندرست باشن …
عکس نوشته شعر کوردی برای پروفایل 2019
لە ئاسۆیەکی دوورە دەست
ئــاوا بــوو زەردەی پـاییـزی
دەتگوت بووکێکی بـێ نـازە
پەردە جــێ دێڵێ بە زیــزی
••
پــەڵە ھــەورێـکی چــڵکـنـە
گرتی سووچێکی ئاســمـان
گەڵای زەردی دارێـک وەری
زریان بردی بەرەو نــەمـان
••
جووتێک کۆتری سەربەکڵاوە
ھەڵکورمــاون لە سـوانەیـەک
دیـــارە لـــەو دەوروبـــەرانـــە
پێیان شـک دێ ھــێـلانـەیـەک
••
پاســاریی ســەر داری کــۆڵان
فـــڕە و جـیکــەیــان لــێ بــڕا
قەل فــڕی، فــڕی، تا ون بــوو
ھـەر ڕووڕەشیی خۆی پێ بڕا
••
شەپۆڵێک مۆسیقای بەسـۆز
ھات و ڕابورد بە بن گوێمدا
شوێنێکی بۆ خۆی کـردەوە
لە ناخــی دڵـی توێ توێمدا
••
ئاخــر کــۆڵـی بــۆ بـردە ژوور
بــاربــەرێــکی درێــژی ڕووت
دەرکــی دووکــانی گــاڵـــە دا
مام حاجی بەرەوماڵ بزووت
••
نازدارێکی چارشێو بەسـەر
بە تــەنـیشـتـمـدا تــێـپـەڕی
بەغار ھات و توند قیژاندی
ڕووتەڵەیەک بــە بەدفــەڕی
ژیان و ئارکی ناخۆشی پەپوولەی ئارەزووی کوشتم
شەرابی جامی دڵداری،لە تافی لاوییا ڕشتم
بلبلی باڵشکاوی وەختی گوڵم
ھەر شەپۆڵان دەدا دڵی لە کوڵم
کوردی بەندیی بەیانی نەورۆزم
گڕی گرتووە دەروونی پڕ سۆزم
موغی بێئاگری شەوی یەڵدام
چاوەڕێی چارەنووسی ناپەیدام
کەوی بێدەنگی نەوبەھارانم
گوڵی بێڕەنگی چاو لە بارانم
کونجی جێژوانی چۆڵ و خامۆشم
سێبەری نازەنینی ڕەشپۆشم
دەستی بەربووی کچی گەڕی شاییم
ھەستی خنکاوی لاوی سەوداییم
کێلی گۆڕی شەھیدی گومناوم
تاکە داری کڕووزی بێئاوم
برا زۆر سەیرە زوو نەمناسی، من هەر زۆر لە زوو کوردم
کە تۆ پێنجشەش کەڕەت گۆڕاوی، من بێ سێودوو کوردم
لە تەکیە بوویە جێگر، ڕێگر و مێگر لەبن بەرماڵ
ئەمن لەوساوە جێوبانم لە بانی بێشکە بوو کوردم
عەجەم بووی، بوویە تورک و بوویە عارەب، ئێستە سەرشێواو
ئەمن بێ گێلمەگێلم و کەشمەکەش، بێ چاشنو کوردم
دەبمە ئەو ئاشە کە ئاوی ببڕن
شۆری عیشقم کە نەمێنێ لە سەرا
لە ھەناسەی منی مەزڵوومی غەریب
خۆت بپارێزە لە وەختی سەحەرا
حورمەتی تۆ لە زەمانەی سالم
بە ئیخلاسی ئەوم ئاوێنەکەی دڵ وا جەلا داوە
کە چیهرەی شاھیدی مەقسوودمی تێدا نموودارە
جەمالی ڕابیتەی وا دڵبەرە، بەختی خەواڵووشم
بە ئوممێدی تەماشایەک ھەمیشە چاوی بێدارە
وەکوو ئاوی بنی گۆمێ، کە جێمابێ لە ڕووبارێ
وەکوو بەردی سەری شاخێ، کە دانرابێ لە دیوارێ
وەکوو کاتێ گەڵای زەردێ، دەسی بەربێ لە سەر دارێ
دڵم تەنگە لە تەنیایی، نە ھاوڕازێ، نە خەمخوارێ
من ئەو بەردەی گرفتارم، کە دیلی چینی دیوارم
من ئەو ئاوەی بنی گۆمم، کە جێماوم لە ڕووبارم
گەڵای زەردم، مەلێ پیرم، منم دڵداری زنجیرم
لە بیرم دێ کە سی ساڵە، لە بەندیخانە یەخسیرم
لە تاریکی ژیانمدا، لە سووچی سەردی زیندانا
بە مۆرەی بەردی ناکامی، بە جارێ عومری خۆم دانا
زولفی سەر شانت عەزیزم، کاتێ هاتی شانە کەی
من گـوتم سەدخۆزگه دەنکی شانه بام و شـا نەبام
ئێمه نوێنەری خەباتی ڕۆژهەڵات
ڕۆژهەڵاتی سووری ئاگرین
فێر نەبووین بەزین و دابەزین
ڕانەهاتووه چاوی قارەمانی کورد
به شەونمی گرین…
عکس نوشته شعر کوردی برای پروفایل 2019
عکس نوشته شعر کوردی برای پروفایل 2019
عکس نوشته های جدید کوردی
عکس نوشته شعر کوردی برای پروفایل 2019
منبع : کوردینوس https://www.instagram.com/kurdinus
دیدگاه ها
ارسال دیدگاه